Euskaltel Euskadik Suitzako Tourreko 74. edizioan parte hartuko du larunbatetik

Euskaltel Euskadi txirrindularitza taldea Suitzako Tourreko 74. edizioko irteeran izango da larunbatean, aurrean ibiltzeko eta Frantziako Tourra prestatzen jarraitzeko asmoz.

10/06/2010

BILBO -  Lasterketa suitzarrean ariko diren txirrindulariak hurrengo hauek dira: Koldo Fernandez de Larrea, Daniel Sesma, Jonathan Castroviejo, Pablo Urtasun, Javier Aramendia, Aitor Hernandez, Juanjo Oroz eta Amets Txurruka.

   "Txirrindulari batzuekin etapen borrokan ariko gara, eta beste batzuekin, aldiz, Tourrera prestatuta heltzea bilatuko dugu", azaldu du Alvaro Gonzalez de Galdeano kirol zuzendariak.

   Suitzako Tourreko bederatzi etapetan zehar, Euskaltel Euskadik aurreko edizioetan lorturiko emaitzak errepikatzen saiatuko da. Izan ere, 2008an, Igor Antonek sailkapen nagusiko hirugarren bukatu zuen, eta 2005ean, Aitor Gonzalezek itzulia irabazi zuen.

   Itzuli suitzarrak erlojuz kontrako bi etapa izango ditu. Gainera, mendate gogorrak ere izango dira ibilbidean zehar, eta seigarren etapa izango da nagusia, Susten, Oberalp eta Albula mendateak igo behar baitira.