Koldo Fernandez de Larrea izango da Euskaltel Euskadiko burua Bavierako Tourrean

Koldo Fernandez de Larrea arabarra izango da Euskaltel Euskadi txirrindularitza taldeko burua Bayern Rundfahrt-Bavierako Tourrean, maiatzaren 25etik 29ra bitartean, euskal taldeak jakinarazi duenez.

24/05/2011

BILBO -  Koldo Fernandez de Larrea arabarra izango da Euskaltel Euskadi txirrindularitza taldeko burua Bayern Rundfahrt-Bavierako Tourrean, maiatzaren 25etik 29ra bitartean, euskal taldeak jakinarazi duenez.

   Zurbanoko sprinterrarekin batera, Pablo Urtasun, Ruben eta Alan Perez, Mikel Landa eta Pello Bilbao izango dira lasterketan; gainera, Pello Bilbaok debuta egingo du elastiko laranjarekin. Gorka Gerrikagoitia izango da kirol zuzendaria.

   2010eko edizioan, Ruben Perezek sprintean irabazi zuen Bavierako Tourreko lehenengo etapa eta sailkapeneko liderra izan zen bi egunez. Aitzitik, iazko edizioan ere, Fernandez de Larreak garezurreko traumatismo bat jasan zuen eta ospitaleratu egin behar izan zuten, bigarren etapako sprintean beste hainbat txirrindularirekin batera erori ondoren.